किताब को हर पन्ना हरु : नेपाली कविताहरु

किताब को हर पन्ना हरु,
आफैले तिमी खोजी राख,
भोलीको पाइला बाटोहरुमा,
एक दिन पहिलै सोंची राख |

जीवन सबैको उज्यालो हुन्छ,
हेर निधारको तक्दिरहरुमा,
आज पनि भगवान जिउँदो छ,
भत्किसकेको मन्दिरहरुमा |

नदी आगोको छालहरुदेखी,
तिमी संधै तर्किनु पर्छ,
पछी पछी आउंदै छ,
समयलाई तिमी पर्खिनु पर्छ |

तिमी अघि बड्दै जाऊ,
तिम्रो हातमा कलम छ,
फेरी क्षितिजमा भेट भयो,
तिम्रो जिन्दगीलाई सलाम छ | 

आर्नोल्ड राई,
संत मेरीज हिल,
खर्सांग,
दार्जीलिंग |