सबैले मलाई कुल्चिएर जाने : नेपाली कविताहरु

सबैले मलाई कुल्चिएर जाने ,
म अन्नको साटो भएछु ,
मान्छेको मायालाई अंगालो हाल्ने ,
म धर्तीको माटो भएछु 

कसैले मलाई खनेर फ्याकेछ ,
धेरैले मलाई लुटेर खाएछ ,
आकाशको पानी वर्षेर ,
मलाई कुटेर भागेछ 

धानको बाला सुकेर जाला ,
झाँतोले पिसेछ ,
"ढुंगाको पनि मुटु हुन्छ " ,
माटोले भनेछ 

माटोको माया देखेर ,
हेर ! चटानै हाँसेछ ,
ढुंगा हाँसेको देखेर
माटोले प्रिती पो गाँसेछ ,

ढुंगाको फूल हातैमा राखी
कपालमा सिउरेछ ,
चटान पनि चूर-चूर भएर ,
माटोमै मिलेछ

माटो र ढुंगा अमर भएर 

 किनारमा बसेछ ,
दुवैको प्रिती जागेर आज ,
' बालुवा ' नाम भएछ 

आर्नोल्ड राई ,
सन्त मेरीज हिल ,
खर्साड्ग