ममताहरू बग्दै - बगेन : नेपाली कविताहरु

 

ममताहरू बग्दै - बगेन ,
धुन सकेन धारामा ,
चुपचाप - चुपचाप हिंड़ी बस्यो ,
बाटो भरिको काँड़ामा 

बोल्न सकेन मन्द पवनमा ,
गन्ध मात्र घुमी बस्छ ,
साथी चाहिन्दैन , कसम खाँदैन ,
छायाले मलाई रूड्गी बस्छ 

मुटुको घांव देख्न सकेन ,
दाग लागेछ छुरीमा ,
झोपडीमा बत्ती बल्न सकेन ,
तारा जन्मेछ धुरीमा 

सपना रहेछ जीन्दगानी ,
रात भरि - भरि साँचेछ ,
दिन हुँदा मरेर गयो ,
माया सिरानीमा गाँसेछ 

ममता बाँचेछ आमाको ,
छात्तीमा झण्ड़ा गाड़ेछ ,
मुटुको टुक्रा बनाइ , वरी - परी ,
हात - हातमा सबैलाई बाँड़ेछ 

महानता छ , तिमी महान छौ ,
जब सम्म हावा चली रहन्छ ,
आउँने - जाने बाटोहरूमा सम्झना छ ,
जब सम्म यो संसार रहन्छ 

  आर्नोल्ड राई ,
सन्त मेरीज हिल ,
खर्साड्ग