बिजनबारी खण्ड अन्तरगतको कैजले ग्राम पन्चायतमा रगारङ कार्यक्रम सगै हाते भकुण्डो प्रतियोगिता समापन

संजय निरौला
बिजनबारी : बिगत 29 तारीख खेल नै बिश्वसामु परिचित बनाउने माद्यम तथा खेलमा एक अर्कोको हारजीत मात्रै होइन आपसी भाइचारा तथा सम्बन्धलाई मधुर बनाउछ भन्ने उदेश्यको साथमा पुल बिजनबारी खण्ड अन्तरगतको कैजले ग्राम पन्चायत अधिनस्थ सिक्किमको सिमामा स्थित भौतिक रूपमा दुर्गम गाउँ  लोवर लिङ्तेन युवा सघको आयोजनामा भइरहेको दिपवाली कप हाते भकुण्डो प्रतियोगिता हिजो रगारङ कार्यक्रमको बीच समापन हिजो गरियो। लगभग एक महिनादेखि शुरु भएको उक्त प्रतियोगितामा छिमेकी गाउँ समष्टि तथा छिमेकी राज्य सिक्किमका खेलाडी तथा दलहरुले समेत सहभागीता जनाएका थिए भने हिजोको अन्तिम तथा निर्नायक खेलमा आयोजक लोवर लिङतेन युथ क्लब तथा साजबोटे (नेजी) युवा दलको बीच भिडन्त भएको थियो।

खुबै रोमाञ्च प्रदान गरेको खेलमा आयोजक दल बिजेता बनेको थियो। निर्मल शर्मा मुख्य निर्नायक तथा राजेन बुढाथोकी सहनिर्णायकदारा संचालित खेलमा स्थानीय रिटर रोस एकाडेमी बिद्यालयका सस्थापक प्रमुख अथिती तथा भुतपुर्वक शिक्षक प्रेमकुमार छेत्री विशिष्ट अथितीको रूपमा उपस्थित थिए।  रोमाञ्चक भएको खेलमा पाहुना दललाई पराजित गर्दै आयोजक बिजेता भएको थियो भने बिजेता तथा उपबिजेता दलहरूलाई नगदसहित ट्रफी प्रदान गरिएको थियो भने आयोजक दलकै प्रणय सुब्बा उत्कृष्ट खेलाडीको रूपमा छनौट भए। सास्कृतिक झलकहरु सगै भएको खेलमा स्थानीय गाउँलेहरु लगायत वरिपरिका विभिन्न गाउँका खेलप्रेमीहरुको बाक्लो उपस्थित थियो।