कालचीनी : डुवर्सको गोर्खे छोरो रुद्र छेत्रीले पुरा गरे पिएचडी

गोरुबथान (महेश्वर प्रधान):

कालचिनी बुखिमबारी चियाकमानमा कार्यरत गोकुल छेत्री र रीता छेत्रीको सुपुत्र रुद्र छेत्रीले सिक्किम विश्वविद्यालयबाट यस वर्ष पुरा गरे आफ्नो पिएचडी।गाउँकै पाठशालाबाट प्रारम्भिक शिक्षा शुरु गरेका रुद्र छेत्रीले उच्च माध्यमिकसम्म शङ्कर नेपाली उच्चोत्तर माध्यमिक विद्यालय कालचिनीबाट पुरा गरेका थिए। दार्जिलिङ सरकारी महाविद्यालयबाट स्नातक ,काशी हिन्दू विश्वविद्यालयबाट स्वर्णपदक सहित स्नातकोत्तर गरेपछि सिक्किम विश्वविद्यालयबाट उनले पिएचडी पुरा गरे। 

डुवर्सका नेपाली कविता विषयमा उनले एमफिल गरे भने भारतीय नेपाली नारी कथाकारको कथामा पुरुष पात्र शीर्षकमा प्रोफेसर पुष्प शर्माको निर्देशनमा  उनले यसै वर्ष पिएचडी पुरा गरे।मृदुभाषी मिलनसार सरल व्यक्तिको धनी रुद्र छेत्रीले यसरी सफलता हासिल गरेपछि उनका माता पिता लगायत सम्पूर्ण डुवर्स नै गौरवान्वित बनेको छ।चियाकमानको छोरो रुद्र छेत्री युवावर्गका लागि प्रेरणाको स्रोत बनेको छ।