असमको ओदालगढी जिल्लाको खौराङमा शहीद दुर्गा मल्लको सालिग तोडियो

गुवाहाटी : असमको ओदालगढी जिल्लाको खौराङ, अखिल असम गोर्खा छात्र संघ (आग्सु) को शाखा कार्यालय अघि निर्मित स्वाधिनता संग्रामको सहीद मेजर दुर्गा मल्लको भव्य सालिग हिजो राति तोडफोड गरिएको छ। घटनाले क्षेत्रमा भिषण अशान्ति फैलाएको छ भने घटनाबारे सरकारले संज्ञान लिँदै सेना र पुलिस बल तैनाथ गरेको छ भने छेउ छाउको गाउँहरूमा पुलिसले दुष्कर्मी विरूद्ध रौचिरा अभियान शुरु गरेको छ। गोर्खा विकास परिषद अन्तर्गत यो सालिग त्यहाँ 2015 मा राखिएको थियो। बाख्राकोटको मुर्तिकार अामिर सुन्दासले मुर्ति निर्माण गरेको थियो भने आग्सुले मुर्तिको देखरेख गरिरहेको थियो। घटनालाई लिएर असम गोर्खा सम्मेलन र आग्सुले कडा प्रतिवाद जनाएको छ भने चाँडो भन्दा चाँडो दुष्कर्मीहरूलाई पक्राउ गरेर सजाय दिने माग प्रशासन समक्ष राखेको छ।

- हाम्रो खबर